ಹುಬ್ಬಳ್ಳಿ ರೈಲ್ವೆ ಸ್ಟೇಷನ್ ಸಮೀಪದ ಸ್ವರ್ಣ ಕಾಂಪ್ಲೆಕ್ಸ್ ಬಳಿ ಬೈಕ್ ನಿಲ್ಲಿಸುವವರು ಎಚ್ಚರದಿಂದ ಇರಬೇಕಾಗಿದೆ.
ಇತ್ತೀಚಿನ ದಿನಗಳಲ್ಲಿ ಈ ಭಾಗದಲ್ಲಿ ಬೈಕ್ ಕಳ್ಳತನ ಪ್ರಕರಣಗಳು ಹೆಚ್ಚಾಗುತ್ತಿದ್ದು, ರೈಲ್ವೆ ಸ್ಟೇಷನ್ ಗೆ ಹೋಗುವವರು, ಕಾಂಪ್ಲೆಕ್ಸ್ ಗೆ ಬರುವವರು ತಮ್ಮ ಬೈಕ್ ಗಳನ್ನು ರಸ್ತೆ ಬದಿ ನಿಲ್ಲಿಸಿ ಹೋಗುತ್ತಿದ್ದಾರೆ. ಈ ವೇಳೆ ಕಳ್ಳರು ಕ್ಷಣ ಮಾತ್ರದಲ್ಲಿ ಬೈಕ್ ಕದ್ದು ಪರಾರಿಯಾಗುತ್ತಿದ್ದಾರೆ.
ಆದ್ದರಿಂದ ಈ ಭಾಗದಲ್ಲಿ ಬೈಕ್ ನಿಲ್ಲಿಸುವವರು ಕಡ್ಡಾಯವಾಗಿ ಹ್ಯಾಂಡಲ್ ಲಾಕ್ ಮಾಡಿ, ಸಾಧ್ಯವಾದರೆ ಪೇಯ್ಡ್ ಪಾರ್ಕಿಂಗ್ ನಲ್ಲಿ ಅಥವಾ ಸಿಸಿಟಿವಿ ಇರುವ ಕಡೆ ಬೈಕ್ ನಿಲ್ಲಿಸಿ. ಅನುಮಾನಾಸ್ಪದ ವ್ಯಕ್ತಿಗಳು ಕಂಡು ಬಂದರೆ ತಕ್ಷಣ ಪೊಲೀಸರಿಗೆ ಮಾಹಿತಿ ನೀಡಿ ಎಂದು ಪೊಲೀಸರು ಮನವಿ ಮಾಡಿದ್ದಾರೆ.
